Dil Xətası

sən susduğun yerlərdəyəm
sən tərk etdiyin köşələrdə
salam vermədiyin
üzünü heç görmədiyin adamlarla bir aradayam
sən vurduğun yaradayam
ağaclar həmən deyil
quşlar həmən deyil
sən dinləmədiyin nəğmələrdəyəm
sən gəlmədiyin
sən getmədiyin oradayam
azmışam məni tapmadığın yerlərdə
səsini versən yetər amma
əlini uzatsan yetər amma
gəl, şeytanım, gəl,
buradayam, buradayam!!!